دی کشمیر فائلس کا نتیجہ یہ ہے

اب بات آتی ہے کہ اس فلم کا نتیجہ کیا ہوا؟

اس کے مقاصد پورے ہوۓ کہ نہیں؟ تو اس بات میں کوئی شک نہیں ہے کہ ہندوستان میں فسادات اور مسلم مخالف حملوں کی تاریخ بہت پرانی ہے اور برسوں سے یہ چلتا ہوا آرہا ہے کہ ۔ آزادی سے لے کر ابھی تک مسلم مخالف فسادات کا سلسلہ جاری ہے ۔ مختلف مواقع پر مختلف شہروں میں مسلمانوں کا قتل عام ہواہے ۔

مسلمانوں کے گھر لوٹے گئے ہیں ۔ مسلمانوں کے مکانات جلائے گئے ہیں ۔ ان کی دکانیں تباہ و برباد کی گئی ہیں ۔ مساجد، مدارس اور دیگرم مذہبی مقامات پر حملہ ہوتا رہا ہے

اور ہرجگہ فساد میں پولس کا بھی رول نمایاں اور واضح ہوتاہے اب بات پولیس کی آئی ہے تو اس مین کوئی شک نہیں کہ جب مرکزی حکومت ہی ہندوتوا وادی کے ہاتھوں میں ہے تو ساری کی ساری پولیس فورس بھی ان کے تحت عمل پیراں ہوتی ہے اور ان کے حکم پر کام کرتی ہے۔

میں نے چند روز قبل شوشل میڈیاپر ایک یویڈیو دیکھی جس میں ایک آدمی میں نے کشمیر فائل دیکھنے کے بعدفلمی تھیٹر میں ہی کھڑے ہو کر بہت ہی جوش و خروش کے ساتھ کہہ رہا تھا کہ میرے ہندو بھائیوں آج ہم لوگ اپنے اپنے گھروں میں میں بنا کسی ڈر کے سو رہے ہیں اور یہ مسلمان لوگ ہمارے خلاف صاف منصوبہ بندی کر رہے ہیں

ہمیں بھی جاگنا چاہیے اور ان کے خلاف ایک ہو کر لڑنا چاہیے اور ان کے تمام منصوبوں کو تہس نہس کرنا چاہیے کیوں کہ اگر ہم نے ایسا نہیں کیا تو ہماری آنے والی نسلوں کو بہت مشکل گھڑی سے گزرنا پڑیگااور انہیں بھی مسلمانوں کا شکار ہونا پڑے گا

حالاں کہ حقیقت بلکل اس کے بر عکس ہے یہاں آۓ دن کہیں نہ کہیں کٹر ہندؤوں کی ایک جماعت کسی نہ کسی آدمی کو ٹھیس پہنچاتی ہے۔ حال ہی میں ہندوستان کی ریاست راجستھان میں ایک ایسا واقعہ پیش آیا جو کہ ہندوستان کی تاریخ میں ہمیشہ یاد رکھا جانے والا ہے

ہواکچھ یوں کے کٹر ہندوؤں کی ایک جماعت سروں پر بھگوا پگڑی باندھے ہاتھوں میں بھگوا جھنڈا لیے اور جئے شری رام کا نعرہ لگاتے ہوئے ایک مسجد کے سامنے کھڑے ہوگئے اور دیکھتے ہی دیکھتے انہوں نے انسانیت کی ساری حدود کو پار کر دیا کیا

اور انہیں میں سےایک آدمی بھگوا جھنڈا لے کر مسجد کے دروازے سے ہوتے ہوئے مینار تک پہنچ گیا گیا اور وہاں پر بھگوا جھنڈا نصب کردیا اور زور زور سےجئے شری رام جئے شری رام کے نعرے بلند کرنے لگا

ایسا صرف ایک واقعہ نہیں بلکہ ایسے بہت سارے واقعات ہندوستان کی الگ الگ ریاستوں میں میں واقع ہوئے جو کہ صرف دی کشمیر فائل دیکھنے کا اسے سچ سمجھنے کا نتیجہ ہے ان تمام واقعات کا پورا کریڈٹ صرف اور صرف دی کشمیر فائل کو ہی جاتا ہے ہے ان تمام واقعات کی ذمہ داری یہ فلم اور اس کے ہدایت کار کہ اوپر آتی ہے۔

سرکار سے درخواست یہ ہے وہ عام لوگوں تک اس فلم میں کتنی سچائی ہے اور کتنا جھوٹ ہے صاف کردے

تاکہ لوگوں کے دماغ سے مسلمانوں کے نام کی غلط سوچ دور ہو اور وہ سچائی سے واقف ہو کر بنا کسی غلط گمان کے ساتھ زندگی بسر کریں اور ایسی کوئی بھی فلم کو بنانے پر کاروائی کریں جس سے کسی بھی مذہب کو کوئی ٹھیس پہنچے۔

سیف علی شاہ عدم بہرائچی

ملاپورم کیرلا